25/04/2008
人生大概分為三個階段：一、長肉不長腦期，從嬰兒到十九歲（英語叫Teen age），大部分人呢段日子都係四肢發達、頭腦簡單。二、吸收知識時段，例如二十歲到二十五歲（有D人到二十八歲）。呢段日子再唔係老師教乜、自己學乜， 而係憑自己興趣有系統地吸收知識，唔少人進入大學開始選科，決定將來人生之路；唔入大學者亦開始選擇自己嘅職業。人嘅一生好多時便响二十歲到二十五歲呢段 日子（部分人到二十八歲）決定。有D人選擇成為專業人士，有D人從商，有D人喜歡做公務員，總之各適其適……。呢段時期開始形成自己獨特嘅見解，有自己嘅 世界觀同人生觀。三、早熟者二十五歲、遲熟者二十八歲便進入思想型，部分人離開學校進入社會做事，之後往往停止學習，即使學習都傾向機械式學習，即照搬照 抄而唔思考，只有小部分人繼續成長，有D成為政治家、學者、企業家，成為各行各業嘅精英，推動整個社會甚至國家向前。
經濟何嘗唔係 咁？第一發展期出賣體力為主，形成農業社會。大部分人知識水平低，依靠出賣勞動力搵兩餐。中國經濟停留响呢段日子幾千年，直到1978年鄧小平提出改革開 放政策後才進入第二階段，即吸收知識期，技術、知識產權由外國引進，別人教乜嘢，我地就學乜嘢，大量人口轉型為工人，工廠卻係OEM（照訂單生產）。第二 階段相較農業嘅生產力大約可提升十倍，响經濟學上叫做「起飛期」，喺歐洲同美國大約可維持一百年，喺日本只維持四十五年（1945至 1990年），相信中國亦唔例外，即由1978年起計响2023年前見頂。至於能否進入第三階段，即透過創新去保持經濟繁榮，不但响產品上創新，亦要服務 上創新、思想上創新，今天西方經濟就在此階段。反觀日本1990年至今似乎仍無法進入第三階段，理由係過去幾十年經濟發展皆由政府指導。
26/04/2008
衰退對有錢人嚟講只係財產價值減少，唔會影響日常生活（例如擁有1億元者失去5000萬元好唔開心，但唔會影響日常生活）。對中產階級而言會減少消費（例 如擁有1000萬元者，失去500萬元後會減少消費），但對窮人嚟講就打擊好大。歐美各國已富貴咗二百年，香港人亦已富貴咗六十年，中國才興起三十年，同 樣面對經濟放緩，邊個最慘？何況美元雄霸天下美國隨時可將衰退出口，但中國卻係美元最大嬴家，成為美國出口衰退行為中最大受害國。
六十年代如果你大學畢業可以坐寫字樓嘆冷氣兼有秘書，月入1500元或以上；英文中學畢業只能打工廠寫字樓工，月入300蚊；至於連英文中學都冇（包括中 文中學），便冇資格做寫字樓只有搵份牛工（即出賣勞力者）。今天大學畢業已冇人保證你一定可以搵到份寫字樓工（至於有秘書服務？想都唔好想）。冇人保證大 學生一定可以過中產階級生活！
過去四十年大學生社會地位日降，由六十年代天子門生（因香港大學由港督做校董會主席）變成凡人一個。今天大學生月入萬餘元，但八百呎面積住宅單位已賣500萬元，係大學生三十四年收入（即一世），希望透過讀書去改善收入嘅夢想，隨1997年7月香港主權回歸後而破碎。
29/04/2008
1980年起內地以深圳作為特區，令香港製造業開始內移。當年本港超過一百萬工人薪金開始進入收入負增長期，因製造業內移而令本港服務業興旺。 1984至97年呢十三年，本港中產階級成為服務業興旺下嘅受惠者。可惜1997年7月香港主權回歸後，香港服務業優勢亦漸漸被取代，只有嗰D受高深教 育、例如博士或專業水平相當高人士，薪金才繼續上升，普通大學生受惠有限，令香港社會朝向20╱80發展，即1997年8月起香港中產階級亦陷入收入負增 長（情況較1980年工人階級更慘，如佢地不幸喺高峰期置業嘅話，仲會成為負資產階級）。
1980年前嘅工人，今天漸成為香港社會上25-28％貧窮階級，過住冇尊嚴嘅生活；加上1980年至今來港新移民競爭有限嘅低薪工作，令本港貧窮階級日益壯大。隨著社會經濟模式改變，喺外國未能適應者向二線或三線城市轉移，但香港人冇路走！
問題唔單止咁，1997年8月起中產階級面對嘅壓力亦漸增，過去十年同樣面對生活質素不斷下滑，佢地甚至難以獲得社會上嘅關心及同情，因為論生活質素 佢地仍較香港25-28％窮人好，例如兩夫婦加起來月入3萬餘元喺香港唔算差，但過去十年生活質素不斷下滑。呢點由香港中價食肆不斷消失、中價服裝品牌愈 來愈少足以證明。
今天大學生打工食飯盒已係平常事！即香港經濟繁榮成果由愈來愈少人分享，財富愈來愈集中喺小部分人手裏，上述係二十一世紀面對嘅最大危機。
今天香港社會問題係不患寡而患不均。一個金字塔形社會經濟結構又再喺香港出現。
《轉載自信報財經新聞》
經濟何嘗唔係 咁？第一發展期出賣體力為主，形成農業社會。大部分人知識水平低，依靠出賣勞動力搵兩餐。中國經濟停留响呢段日子幾千年，直到1978年鄧小平提出改革開 放政策後才進入第二階段，即吸收知識期，技術、知識產權由外國引進，別人教乜嘢，我地就學乜嘢，大量人口轉型為工人，工廠卻係OEM（照訂單生產）。第二 階段相較農業嘅生產力大約可提升十倍，响經濟學上叫做「起飛期」，喺歐洲同美國大約可維持一百年，喺日本只維持四十五年（1945至 1990年），相信中國亦唔例外，即由1978年起計响2023年前見頂。至於能否進入第三階段，即透過創新去保持經濟繁榮，不但响產品上創新，亦要服務 上創新、思想上創新，今天西方經濟就在此階段。反觀日本1990年至今似乎仍無法進入第三階段，理由係過去幾十年經濟發展皆由政府指導。
26/04/2008
衰退對有錢人嚟講只係財產價值減少，唔會影響日常生活（例如擁有1億元者失去5000萬元好唔開心，但唔會影響日常生活）。對中產階級而言會減少消費（例 如擁有1000萬元者，失去500萬元後會減少消費），但對窮人嚟講就打擊好大。歐美各國已富貴咗二百年，香港人亦已富貴咗六十年，中國才興起三十年，同 樣面對經濟放緩，邊個最慘？何況美元雄霸天下美國隨時可將衰退出口，但中國卻係美元最大嬴家，成為美國出口衰退行為中最大受害國。
六十年代如果你大學畢業可以坐寫字樓嘆冷氣兼有秘書，月入1500元或以上；英文中學畢業只能打工廠寫字樓工，月入300蚊；至於連英文中學都冇（包括中 文中學），便冇資格做寫字樓只有搵份牛工（即出賣勞力者）。今天大學畢業已冇人保證你一定可以搵到份寫字樓工（至於有秘書服務？想都唔好想）。冇人保證大 學生一定可以過中產階級生活！
過去四十年大學生社會地位日降，由六十年代天子門生（因香港大學由港督做校董會主席）變成凡人一個。今天大學生月入萬餘元，但八百呎面積住宅單位已賣500萬元，係大學生三十四年收入（即一世），希望透過讀書去改善收入嘅夢想，隨1997年7月香港主權回歸後而破碎。
29/04/2008
1980年起內地以深圳作為特區，令香港製造業開始內移。當年本港超過一百萬工人薪金開始進入收入負增長期，因製造業內移而令本港服務業興旺。 1984至97年呢十三年，本港中產階級成為服務業興旺下嘅受惠者。可惜1997年7月香港主權回歸後，香港服務業優勢亦漸漸被取代，只有嗰D受高深教 育、例如博士或專業水平相當高人士，薪金才繼續上升，普通大學生受惠有限，令香港社會朝向20╱80發展，即1997年8月起香港中產階級亦陷入收入負增 長（情況較1980年工人階級更慘，如佢地不幸喺高峰期置業嘅話，仲會成為負資產階級）。
1980年前嘅工人，今天漸成為香港社會上25-28％貧窮階級，過住冇尊嚴嘅生活；加上1980年至今來港新移民競爭有限嘅低薪工作，令本港貧窮階級日益壯大。隨著社會經濟模式改變，喺外國未能適應者向二線或三線城市轉移，但香港人冇路走！
問題唔單止咁，1997年8月起中產階級面對嘅壓力亦漸增，過去十年同樣面對生活質素不斷下滑，佢地甚至難以獲得社會上嘅關心及同情，因為論生活質素 佢地仍較香港25-28％窮人好，例如兩夫婦加起來月入3萬餘元喺香港唔算差，但過去十年生活質素不斷下滑。呢點由香港中價食肆不斷消失、中價服裝品牌愈 來愈少足以證明。
今天大學生打工食飯盒已係平常事！即香港經濟繁榮成果由愈來愈少人分享，財富愈來愈集中喺小部分人手裏，上述係二十一世紀面對嘅最大危機。
今天香港社會問題係不患寡而患不均。一個金字塔形社會經濟結構又再喺香港出現。
《轉載自信報財經新聞》
